– يبدأ الأمر بـ ستوري بورد رايع –

استكمالًا  لسلسلة -إنتاج ١٠١- واللي الهدف منها التحدث عن مراحل انتاج الموشن جرافيك كلٌ على حدى .. بشكل غير متتابع

بالسابق تكلمت عن البريف، ومعالجة الفكرة فنيًا، وعن أحد أفضل طرق عرض المشروع للعميل

الآن نرجع مرة أخرى للبريف، قريته واتضحت لك صورة المشروع

عرفت مين عميلك، وش هويته، مين جمهوره، وكيف يخاطبهم، ووين وده يعرض الموشن حقه بالإضافة للتفاصيل الدقيقة زي المدة الزمنية لفيديو .. وزبدة الحكي اللي يبيه يطلع بالفيديو

بعد ماتطلع بشكل كافي عالسابق وفي حال طلعت معك أسئلة إضافية لازم تتأكد من سؤالك للعميل عنها، لأن أي سوء فهم لاحقًا راح تتحمل مسؤوليته .. العميل أعطاك اللي عنده ودورك تتحقق من سلامة فهمك لكل جوانب المشروع، هو فاهم نفسه وعالأغلب يعرف وش يبي لكنه مو مدرك تمامًا وش غايب عنك ووش ناقصك بالتالي لا تتردد في سؤاله (إما بشكل مباشر أو من خلال البروجكت مانجر في شركتك

بعد .. البريف > الكونسبت

وزيمبيؤلك كده (Concept is a KING

مرحلة الكونسبت هي مرحلة المود بوردز وَ السكتشات اليدويه وَ التخيل المبدئي اللّي بتطلع فيه الفكرة ويشمل جلسات العصف الذهني والنقاشات والحكي هذا كله يُفضل يكون بوجود الكاتب

بعد إنتهاء الجلسة اللي تحددون فيها الكونسبت حقكم وش هو، تبدأ كتابة السيناريو مِن قبل الكاتب يفضل تكون قريب منه وتساعده لأن الصوره العامة عندك انت .. الشغل الدقيق والصياغة عليه .. يعني

البريف > الكونسبت > السكربت

مرحلة الكتابة راح أتكلم عنها لاحقًا في أحوال يكون النص جاهز من قِبل العميل يبغاه زي ماهو كتبه بالضبط .. دورك بس تتأكد إن مافيه حشو أو أخطاء لغوية بالاستعانة بالكاتب (قاعدة افترض انكم فريق لكنها مهمتك إذا كنت فريلانسر)

بعد النص تجي مرحلة تحويل النص لمشاهد الستوري بوردينق

البريف > الكونسبت > السكربت > الستوري بورد

الستوري بورد قصة طويلة المرحلة اللي إذا كان فيها مشاكل بتبتل معك المشاكل لآخر لحظة لذلك دايم نقول بعد ماتخلص سكتشة الستوري بورد خذ موافقة العميل

مهما حسيت إنك فاهم وش تسوي ووقتك ضيق .. لا تُسقط الستوري بورد، لأن بتاكلها لو رسمت كل المشاهد والعميل كلش مو متفق مع سردك لقصته. شنو بالله تسوي بالوقت اللي رسمت فيه تفاصيل التفاصيل !! لما تكون فريلانس وقتك لنفسك لكن مع فريق! انت تعرف إن كل دقيقة لكل موظف مدفوعة إنك تخلي الفريق يرسم مشاهد ولاحقًا هالمشاهد (وإن كانت رهيبة) ماتناسب العميل فأنت تكون خسرت الشركة ماديًا ماخسرتهم وقت وبس، أي مبتدئ لازم يفهم هالمعادلة بشركات الانتاج .. الوقت=فلوس. كيف تتجنب هالهدر؟ بإنك تاخذ موافقة مكتوبة عالستوري بورد

لا تكتفون بالموافقات الشفهية احصلوا على اعتمادات مكتوبة نصيًا هالشيء راح يحفظ حقكم

طيب ياستوري بوردر حصلت الآن على النص وصار لازم تحوله لمشاهد

ارجع للمود بوردز اللي جمعتهم في مرحلة (معالجة الفكرة فنيًا شغل الميوزك اللي يقربت للجوّ سواء كانت أدغال أو أغاني وطنية أو موسيقى صيفية حاول تحيط نفسك بالجو لو أبو عشر دقايق قبل لاتبدأ تشخبط.

عادة ما نبدأ بستوري بورد مبدأية النوع من الشخبطات اللي مانوريه أحد حتى يمكن فريقنا الداخلي، بيننا وبين انفسنا كتسخين للذهن وتجميع للأفكار المتناثرة بخصوص المشروع … 

بوريكم وحدة من الأمثلة لأول شخبطة سريعة الـ Thumbnail Storyboard، ليه نقول في حالات يفضل انك ماتوريها أحد، لأنهم مو مفهومين ولا فيهم وضعيات واضحه وأي أحد بيشوفها بيرتاع وبيقيم بشكل سلبي .. وليه من الأساس تسويها؟ لأنها تساعدك كثير في إعادة صياغة المشاهد وترتيبها والتأكد من إن تسلسلها ملائم (متخيلين إنهم ٢٢ مشهد بورقة هالقد؟ ><)

Untitled-74-01.png

الـ Rough Storyboard أو الـ  Thumbnail Storyboard تساعدك في النظر لعدة نقاط قبل لاتبدا تعالجها مجددًا :

  • استمرارية القصة.
  • الحركة المبدأية للكاميرا .. الفتحات و القفلات .. الزوم .. بعض الانتقالات.
  • وضوح الآكشن تعرف وش جالس يصير.
  • الكومبزشن المثير للاهتمام.

(المُصغرات) تعرّف بإنها الستوري بورد المصغر .. الستوري بورد السريع والخربوطي اللي تحرص انك ماتهدر وقتك في تنظيفه .. الشخصيات فيه مو أكثر من دائرة وخطين، شيء ممكن تفكر فيه مع زملائك (لكن مش مقبول ترسله للعميل).

بتتفاجئ كيف تساعدك هالمصغرات على اتخاذ قرارات بخصوص كيفية ظهور المشاهد، لأن وانت ترسم تاخذ جميع القرارت المرئية .. متخيل قد إيش هالخطوة أساسية!

المصغرات هي الإختبار الأول لتسلسل واستمرارية اللقطات، هنا أول مصافحة إخراجية، هل هذي اللقطة بعد هذي اللقطة مناسبة؟ هل نقدر نضيف مشهد توضيحي بينهم؟ هل الزوم كافي؟

مُدهش كيف هالشخابيط تكون لب الفيديو ومصنع الحياة فيه. لذلككك، اعط الستوري بورد حقه.

قد يكون الرسم سريع لا بأس، لكن صناعة المشاهد تحتاج وقت، اعط نفسك هالوقت وقاتل علشان ياخذ كفايته من وقت المشروع.

وهنا رابط لميديا كولج فيه عدة مفردات للستوري بورد ومسميات اللقطات واختصاراتها

https://www.mediacollege.com/video/shots/

وأخيرًا بعد ماتتأكد إن كلش تمام وتمسح وتعدل في المصغرات، تقدر تبدأ برسم الستوري بورد النهائي

وتسلمه للعميل أو ادارتك ونت مطمّن 🙂

مثال لأحد السكتشات المرسومة في المُصغرات السابقة بعد مارُسمت كـ ستوري بورد نهائي:

Untitled-74-02.png

رسم سريع، لكنه يظل أقرب للصوره النهائية للمشهد.

للحديث عن الستوري بورد تتمة ….

مع كل الحب عايشة.

 

 

 

 

 

 

 

 

 

 

 

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s