-متسعود-

أحد أكثر الأشياء المستفزة في صناعة الاعلانات هو عدم الإخلاص في الإخراج النهائي للعمل بطريقة تشبه المجتمع اللي تمثله .. دايم نلاحظ هالشيء بالإعلانات اللي تتولاها وكالات تسويق عربية/عالمية واللي مايكون عندها إطلاع كافي عالثقافة اللي تشتغل لها ونسمع انتقادات للصبح عليها وهالشيء خلى الشركات تهتم بإنها تتعامل مع وكالات سعودية لأنها عالأقل تضمن بإنها ماراح تصدم بجدار.

وهذا شيء جيد .. لكن في عالم المُوشن/الالستريشن لما يتكرر نفس الشيء محد يعتبره تقصير ويُغفر لهالشيء …. لممماذا!!!

أستغرب لما أشوف جهات محترمة تتعامل مع مصممين يرسمون الشماغ وكأنه طرحة ماهو مُثلث من الخلف! أو لما يرسمون السراويل الداخلية من تحت الثوب ملونة .. أو إنها تظهر من تحت الثوب بشكل مبالغ بينما هي تظهر بشكل خفيف أو لاتكاد تظهر!

معظم الرسامين اللي قابلتهم ينزعجون من رسم الشماغ لأن مو سهل ترسمه بالشكل اللي يحسسك بالراحة غالبًا بتحس إنه مو ظابط .. إلا إنه الشيء اللي ماتقدر تهرب منه

الشماغ إما إنه يرسم بشكل رسمي أشبه بالواقعي، وإما إنه يرسم بشكل فنكي شوي، وبكل الحالتين مهم ترسمه متقن حتى لو كان رسمك موب واقعي أو ستايل رسمك مأثر ع طريقة ظهوره النهائية.

نفس المشاكل هذي تنطبق عالنقاب والعباءة والحجاب …. إما ترسم كأنها فستان، أو يرسم الحجاب وكأنه خمار على عكس الطريقة اللي تُلبس بها العباءة عادةً .. لكن مصائب الشماغ اكثر وضوح من العباءة.

أخذت فرة على المواقع اللي يحملون منها الشخصيات الجاهزة + بعض الفيديوات المنشورة وأخذت كم لقطة فـ خنشوف بعض الأمثلة السيئة لرسم الشماغ/الثوب :

p-02.png

بالصورة يتضح إن الرسام اطلع وَ بحث بشكل جيد عن أشخاص سعوديين لأن تحس نوعًا ما اقترب لروح الشخصيات المحليه، كذلك رسمه للثوب ووضعيات الشماغ أفضل من غيره لككن لأأأ

ولا وحدة من رسمات الشماغ طبيعية، لأن القبعة دائمًا وأبدًا بيضاء .. ولا يمكن بأي حال يتعطف الشماغ كل هالتعفيطات (رسمة-1) .. كذلك لايمكن يكون فيه ثوب بدون أزارير/سحاب .. ولا توصل لدرجة إنها من أعلى الثوب لأسفله (رسمة-3) ولايمكن يكون فيه كل هالكسرات (رسمة-2) حتى الأحذيه المرسومة كأنها أحذية مسبح أو أي شيء غير الزبيرية أو الشبشب المعتادين عليه أبو اصبع.

مثال آخر ..

p-01.png

4 : لايمكن للشماغ إنه مايظهر من تحت العقال في المقدمة! الناس تحط نشا وحركات قدر جهودهم XD.

5 : لايمكن للثوب إنه يكون مخصر بهالشكل.

6 : لايمكن للشماغ أن يكون مربع من الخلف أو الجانب .. الزوايا مثلثة.

7 : لايمكن للشماغ أن يكون بهذا القصر.

p-03.png

8 : ماأدري وش التعليق المناسب لكن كلشش -.- .

9 : لايمكن تُلبس الكارفته فوق الثوب، مافيه غلط أوضح من كذا.

10 : الشماغ أشبه بشعر فتاة قصير .. شنو هذا يامصمم :”(.

أخيرًا عدة أمثلة جيدة لرسم الشماغ علشان تتأكد إن الموضوع ماهو صعب بقدر ماتحتاج تدقق على بضعة أمور وبيضبط معك.

p-04.png

بغض النظر أعجبنا الشكل النهائي للشخصية ولا ماأعجبنا، المهم إنه ماتكون فيه أخطاء واضحة.

*هنا برسمة 1 الرسام مارسم سحاب أو أزارير للثوب بالرغم من إنها مهمة لكن لأ رسم الشماغ جيد بالإمكان نتغاضى عنه*

p-05.png

وهنا آخيرًا راح احط مقارنة بين تصميمين لي قبل وبعد علشان تتضح لكم الأخطاء الصغيرة اللي تشكل فارق بعد تعديلها.

0-06.png

  • سمك العقال والمسافة بين حلقتينه.
  • شكل القبة وَ الزرار الظاهر.
  • حدة زوايا الشماغ/الغترة العلوية.

تعديلات بسيطة لكنها خلت الشكل النهائي منطقي أكثر .. وبالنهاية تقدر تلغي أشياء من باب الاختزال أو المبالغة في أشياء بناءًا عالنمط اللي اخترته بالرسم .. الأهم إنك ماتغلط الغلطات الواضحة في شيء أساسي زي رسم الشماغ بشخصيات الموشن.

الغريب إني طحت قبل يومين على فيديو من انتاج الإيجنسي رقم ١ في السعودية (تقريبًا يعني) … وكانوا مرتكبين هالخطأ الفادح

Uhntitled-74-02.png

لا توجد امرأة سعودية ترتدي الحجاب مع البورنيطا البيضاء يا أبنائي، إن دل على شيء فيدل على إن الإنتاج غير محلي وَ إن الآرت دايركتر حاط رجل على رجل.

القليل من الإخلاص كافي لوول

مع كل الحب عايشة.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s